نتائج قائداعظم کوئز مقابلہ 16 جنوری 2018 پریس ریلیز

19جنوری 2018، کراچی

پریس ریلیز

پاکستان کوئز سوسائٹی انٹرنیشنل کے تعاون سے علی گڑھ انسٹی ٹیوٹ آف ٹیکنالوجی میں قائداعظم کوئز مقابلے کا انعقاد کیا گیا

علی گڑھ انسٹی ٹیوٹ آف ٹیکنالوجی کے زیر اہتمام پاکستان کوئز سوسائٹی انٹرنیشنل کے تعاون سے قائد اعظم محمد علی جناح کے یوم ولادت کی مناسبت سے بین الکلیاتی و بین الجامعاتی مقابلہ معلومات عامہ بعنوان قائد اعظم کوئز سر سید یونیورسٹی آف انجینئرنگ اینڈ ٹیکنالوجی کراچی کے بشیر جمعہ آڈیٹوریم میں 16 جنوری 2018ء کو منعقد ہوا جس کے  مہمان خصوصی مشیر برائے چانسلر سیر سید یونیورسٹی آف انجینئرنگ اینڈ ٹیکنالوجی سراج خلجی تھے۔ اس تقریب میں مہمان خصوصی نے اپنے خطاب میںقائداعظم محمد علی جناح کو شاندار الفاظ میں خراجِ تحسین پیش کرتے ہوئے کہا کہ قائداعظم ایک بے باک، با اصول اور نڈر سیاستدان تھے جنہوں نے انتہائی کامیابی سے بر صغیر کے مسلمانوں کو سیاسی شعور سے ہمکنار کیا اور انہیں ایک الگ آزاد مملکت کا تحفہ دیا تاکہ وہ اپنی مذہبی، ثقافتی اور تمدنی روایات کے مطابق آزادانہ زندگی گزار سکیں۔ انہوں نے اپنے خطاب میں طلبہ و طالبات پر زور دیتے ہوئے کہا کہ وہ قائد اعظم کے ایمان، اتحاد اور تنظیم کے زریں اصولوں پر رہتے ہوئے پاکستان کی تعمیر و ترقی میں اپنا مقدور بھر حصہ ڈالیں ۔

اس کوئز مقابلے کی میزبانی کے فرائض سیدہ تحسین فاطمہ اور سید بکر مجیب ہاشمی نے اور ججزکے فرائض معروف کوئزر اور پاکستان کوئز سوسائٹی انٹرنیشنل کے سرپرست علیٰ سید جاوید رضا، انجینئر سید شاکر علی اور شاہد جمیل نے انجام دیے۔ ججز کے متفقہ فیصلے کے مطابق کامکس کالج جوہر کیمپس کی یاسمین مجیداور زلیخا عدنان نے پہلی،کراچی یونیورسٹی کے محمد عمار اور ارم شفیق نے دوسری اور مہران ڈگری گرلز کالج کی رملہ شاہد اور ا ٓمنہ وہرہ نے تیسری پوزیشن حاصل کی۔ اس موقع پرپاکستان کوئز سوسائٹی انٹرنیشنل کے صدر معروف محقق و شاعر عقیل عباس جعفری، واجد رضا اصفہانی، سعید احمد سعید، سید ایاز رضا ترمذی، محمد عارف سومرو، علی گڑھ انسٹی ٹیوٹ آف ٹیکنالوجی کے ایوننگ پروگرام کے انچارج سید ریحان علی، نفیس احمد خان، توصیف عالم اور وقار شیرانی بھی موجود تھے۔ ا ٓخر میں مہمانِ خصوصی نے اس کوئز مقابلے میں پہلی، دوسری اور تیسری پوزیشن حاصل کرنے والی ٹیموں میں انعامات اور سرٹیفکیٹس تقسیم کیے۔

                                                            (محمد عارف سومرو )   

                                                            جوائنٹ سیکریٹری پاکستان کوئز سوسائٹی انٹرنیشنل

قائداعظم کوئز مقابلہ 16 جنوری 2018 پریس ریلیز

پریس ریلیز

قائداعظم کوئز مقابلہ

سر سید یونیورسٹی آف انجینئرنگ اینڈ ٹیکنالوجی کراچی میں پاکستان کوئز سوسائٹی انٹرنیشنل کے تعاون سے جشن ولادت قائداعظم محمد علی جناح کی مناسبت سے ایک بین الکلیاتی / بین الجامعاتی کوئز مقابلہ بعنوان قائداعظم کوئز 16 جنوری 2018 کو صبح 9:30 بجے سر سید یونیورسٹی آف انجینئرنگ اینڈ ٹیکنالوجی، مین یونیورسٹی روڈ، گلشن اقبال کراچی کے آڈیٹوریم میں منعقد کیا جا رہا ہے۔ اپنے تعلیمی ادارے کی دو افراد پر مشتمل ٹیم کے نام کوئز کورڈینیٹر سیدہ تحسین فاطمہ کے فون نمبر 03002847236 پر رابطہ کرکے رجسٹریشن کرا لیں۔

بحکم صدر

پاکستان کوئز سوسائٹی انٹرنیشنل

موبائل:03238212626